Seba wayîrvejîyayîşê Şorişê Rojawanî û şermezarkerdişê îşxalê dewleta tirke şaristanê Hildesheimî yê Almanya de şewêk ameye serûberkerdene.

Salona şayîye bi alayanê YPG-YPJyî ameye xemilnayene û standêk de kincê kurdan ameyî daşinasnayene. NAV-YEK ra Cahîr Zerdeştîyî şewe de qisey kerd û vat: "Kurdî hînî azad û sînornênas ê. Dişmenî çend har benê wa bibê ê do çin bibê. Şarê kurdî çar parçeyanê Kurdîstanî de do ser bikewê."

Qiseykerdişan ra dima sînevîzyonêk ame mojnayene û dima Dîlane, Silav Rojava, Azad Bedran, Tuncer Yalinkiliç, Ozgur Comert, Emîn Efrîne, Bavê Ronî, Zîyadîn Dogan, şaîr Kadîr Şêrî, Govenda Koma Azadî vejîyayî sehne ser. Şayîye bi sloganê ''Biciwîyo Serek Apo'' qedîyaye.