1ê teşrîna verêne de Anqara de Tabûrê Bêmergan vera Wezîrîya Karanê Zereyî çalakîyêka fedayîye kerdbî. Çalakîya fedayî ya vera Wezîrîya Karanê Zereyî ra dima bi desan şaristanan de pê operasyonanê qirkerdişê sîyasîyî tewr tay 110 kesî ameyî destbendkerdene.

Wezîrê Karanê Zereyî Alî Yerlîkayayî pare kerd ke 4ê teşrîna verêne (ewro) de 15 şaristanan de 37 kesî ameyê destbendkerdene. Destbendkerdişî Îstanbul, Wan, Riha, Elezîz, Duzce, Amed, Bursa, Edirne, Kırklareli, Kilis, Îdir, Hatay, Adana, Mereş û Denizli de qewimîyayî.

2yê teşrîna verêne de Îstanbul û Kirklarelî de operasyonanê vera HDK û HDPyî de 20 kesî ameybî destbendkerdene. 3yê teşrîna verêne de zî 16 şaristanan de 55 kesî ameybî destbendkerdene.

Nê hîrê rojan de bi temamî 112 kesî ameyî destbendkerdene.