Polîsanê tirkan serê sibayî Îzmîr, Mersîn û Îstanbul de tewr tay 30 kesî destbend kerdî.

Çarçewa tehqîqatêkê Serdozgerîya Komare ya Mersînî de bi îdîaya 'endamîya rêxistine' merkez û qezaya Tarsusî de sereştişî ameyî kerdene. Îdarekarê Çukurova TUAY-DERî Nuraye Şahîn zî tede Fatma Demîr, Yilmaz Sevdîk, Hasan Huseyîn Bayar, Rojhat Tutmaz, Muhammet Tutmaz, Fîraze Aka, Abdullah Çetîn û Hamdullah Ozen ameyî destbendkerdene.

Dosya ser o bira nimitişî û qedexeyê pêvînayîşê bi avûkatan ronîyaye.

Îstanbul de serê sibayî qezayanê Esenler, Maltepe, Pendîk û Kagithane de 11 kesî ameyî destbendkerdene. Nameyê tay destbendkerdeyan wina yê: Şahîn Ozyildirim, Riza Kaplan, Nesîm Ozkan, Nuredîn Aydogan, Hêlîne Akman, Alattîn Altintaş, Erkan Talaş, Şukru Guler, Umut Delîl Aksoy, Devran Kurt, Resul Gedlec, Hêlîne Akman.

Îzmîr de muxabîrê Ajansê Mezopotamya Semra Turan, Delale Akyuz û Tolga Guney; muxabîra JINNEWSî Melîke Aydin, muxabîrê Gazete Duvar Cîhan Başakçioglu û xebatkara çapemenîye ya DEM Partî Farma Funda Akbulut ameyî destbendkerdene.