Merkezê Îrtîbatî û Çapemenîye yê HPGyî eşkera kerd ke temmuza 2024î de Zap de gerîlayê bi nameyê Munzur Serhed, Erdal Reşo û Çîyager Dîcle şehîd bîyî. Eşkerayîye wina ya:

‘’22yê temmuza 2024î de Zap de hêrişanê dişmenî de embazê ma û milîtanê Apogîrî yê ercîyayeyî Munzur Serhed, Erdal Reşo û Çîyager Dîcle bi xoverdayîşê fedayîtî şehîd bîyî.

Ma sey embazanê înan soz danê ke têkoşînê embazanê xo Munzur, Erdal û Çîyagerî xo rê bikerê reber û vîrameyîşanê înan Kurdîstanê Azadî de bipawe. Ma sere de keyeyanê embazanê xo yê ercîyayeyan rê pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina  yê:

Nameyê Qodî: Munzur Serhed Name û Peyname: Îbrahîm Çîgdem Cayê Bîyayîşî: Wan Maye-Pî: Remziye – Maşallah Tarîx û Cayê Şehadetî: 22yê Temmuza 2024î / Zap

 

Nameyê Qodî: Erdal Reşo Name û peyname: Serhat Akçin Cayê Bîyayîşî Mêrdîn Maye-Pî: Vecîhe – Omer Tarîx û Cayê Şehadetî: 22yê Temmuza 2024î / Zap

 

Nameyê Qodî: Çiyager Dîcle Name û Peyname: Îbrahîm Miho Cayê Bîyayîşî: Kobanê Maye-Pî: Sultane – Cemal Tarîx û Cayê Şehadetî: 22yê Temmuza 2024î / Zap

 

Embazê ma Munzur Qelqelîya Wanî de dadîya xo ra beno la Mugla de beno pîl. La o kurdayetîya xo ra fek vera nêdano û tewrê xebatanê ciwanan beno. Embazê ma 2017 de zanîngehî ra verê xo dano koyan. O Herêmanê Pawitişî yê Medya de têkoşîn keno û tewrê Hêzanê Taybetan beno. O tim beno wayîrê kedêka pîle û xo aver beno. Embazê ma wextê şerê tewr giranî de zî înîsîyatîf gêno û cepheyê vernî de cagêno.

 

 

Embazê ma Erdal keyeyêkê hezexijî de Nisêbîn de dadîya xo ra beno. O 2014 de hêverî tewrê xebatanê ciwananê şorişgêran beno, 2015 de tewrê refanê YPSyî beno û 2019 de zî Mêrdînî ra verê xo dano koyan, beno gerîla. O Herêmanê Pawitişî yê Medya de perwerdeyanê xo temam keno û bi tecrubeyanê xo yê verênan xo ver dano. O bi taybetî mewzîyanê Şehîd Munzurî yê Girê FMyî de performansêkê xurtî mojneno ra.

 

Embazê ma Çiyager Kobanê de dadîya xo ra beno. O beno şahîdê Xoverdayîşê Kobanê. Dima ke waka ci Dîcle Kobanê 2018 de Avaşîn de şehîd beno embazê ma bi hîsê qesasî verê xo dano koyan. Embazê ma pêro erk û mesuldarîyanê xo ano ca. Embazê ma Herêma Şehîd Delîlî ya Rojawanê Zapî de destanan nuseno û hêrişanê dişmenî bi têkoşînê pîlî şikneno. Ma soz danê ke armancê şehîdê xo Rayberîya Azade û Kurdîstanê Azadî bîyarê ca.’’