Partîya Koalîsyonê Sûr û Keskan a Danîmarka Enhedslistenî ra Wekîl Søren Søndergaardî keyepelê xco yê facebookî de bale ante rewşa Leyla Guven û Selahattîn Demîrtaşî ser.

Søren Søndergaardî derheqê rewşa Leyla Guven  û Selahattîn Demîrtaşî de vernîyazêkê persî da Wezîrê Karanê Teberî Derve Jeppe Kofodî û vat: ''Tepişîyayîşê Leyla Guven çend pûç o zîndan de tepişîyayîşê Selahattîn Demîrtaşî zî hende pûç o.''

Søren Søndergaardî wezaretî ra waşt ke bira Mehkemeya Heqanê Merdiman a Ewropa (MHME) ya seba Demîrtaşî bêra caardene.

Søren Søndergaardî vernîyazê persî  de Wezîrê Karanê Teberî Derve Jeppe Kofodî rê nê çîyî persayî:

-Seba ke bira MHME bêra caardene şima do mesele Tirkîya û Yewîya Ewropa de bikerê rojdem?

-Seba ke bira tepişîyayîşê Leyla Guvene bêra berdene MHME şima do çîyêk bikerê?