Hûmara 53. ya Kovara Munzurî vejîyaye. Hûmara peyêne ya kovare de îndeksêk zî esto.

Kovara Munzurî ya ke ca dana maqale û nuşteyanê derheqê xebatanê tarîx, ziwan û bawerîya Dêrsimî de, bi kirdkî, kirdaskî û tirkî weşanîyena. Kovare reya verêne serra 2000 de Anqara de weşanîyaye û 5 serran ra nata zî Dêrsim de weşanîyena. Kovare Dêrsim de wayîrê kitabxaneyêkî yo zî ke tede bi hezaran kitabî, fotografî, mektubê orjînalî yê namdaran ê sey Dr. Şivan, Adnan Yucel, Cemal Sureyayî estê.

Wayîrê Kovara Munzurî cigêrayox û nuştox Mesut Ozcanî derheqê kovare de nê çîyî vatî: ''Kovare ma 20 serran ra nata pê fedakarîyêkê pîlî weşanîyena. No seba ma serkewtişêko pîl o. Pê abonetîye wendoxî eşkenê paştî bidê kovara ma.''