Hemsereka DEM Partî ya Colemêrgî Humeyra Armut ANFyî rê qisey kerd û vera tayînkerdişê qeyûmî nêrazîbîyayîşê xo mojna.

Humeyra Armut îfade kerd ke îqtîdarî wextê weçînayîşan de seba ke Şaredarîya Colemêrgî bivisno destî dek û dolabî kerdê û vat: ''Rixmê îqtîdarî zî şar wayîrê îradeyê xo vejîya. La ancî şaredarîye rê qeyûm ame tayînkerdene. Îqtîdarê AKP-MHPyî binkewtişî rê tehamul nêkeno coka no pratîk ancî visto dewre. Hetê bînî ra îqtîdar xîret keno ke zemînê qeyûman awan bikero. Qeyûm vera îradeyê demokrasîyî ameyo tayînkerdene. Ganî her kes ney bi zelalî bivîno.''

Humeyra ard ziwan ke îqtîdar gêreno ke cayanê bînan rê zî qeyûman tayîn bikero û vat: ''Seba ke tayînkerdişê qeyûman dewam nêkero paştdayîşêko cidî lazim o. Ganî şarê ma bêveng nêmano û vejîyo waran. Eke şarê Colemêrgî teyna bêro verdayene pratîkêkê şerî do ancî bêro dewrekerdene. Ganî şaredarîya ma bipawîya. Ewro zî do çalakîyê ma dewam bikerê. Ganî şarê ma bêveng nêmano. Wa her kes biherikîyo waran.''