Merkezê Kulturê Kurdan ê Ahmet Kayayî yê Parisî de semedê hîrê şehîdan ê ke 23ê kanûne de hêrişê çekdarî de ameyî qetilkerdene, Nobeta Edaletî yena kerdene. Vizêr Hunermendan Pinare Aydinlar û Haluk Tolga  Îlhanî nobete zîyaret kerde.

Hunermendan vat ê semedê aktîvîteyanê serrneweyî Paris de yê la rîyê hêrişê vera komele ra ê do tewrê nê aktîvîteyan mebê. Pinare Aydinlar û Haluk Tolga  Îlhanî nê vatî:

Pinare Aydinlar: Ma semedê aktîvîteyanê serrneweyî tîya de yê la tewrê nê aktîvîteyan nêbenê. Dejê ma zaf giran o. No hêriş vera ma pêrun o. Ma dejê xo pare kenê. Cinîyê ke vanê “Jin Jiyan Azadî”  do çirey têkoşînî cameverdê.

Haluk Tolga İlhan: Semedê nê hêrişê vera Merkezê Kulturê Kurdan ê Ahmet Kayayî ma do tewrê aktîvîteyanê serrneweyî mebê. Ma do tim paştî bidê bindestan, feqîran û têkoşeran.