Hunermendanê kurdan venga pêro kurdan da ke pê coş û ruhê Newroza 1990î tewrê şayîyanê Newroze bibê.

Hunermend Kadîr Çatî pare kerd ke kurdî ganî na Newroze de yewîya xo ronê û pê ruhê yewîya neteweyî vejîyê meydanan. Çatî vat: ''Ez venga pêro kurdan dana ke pê ruhê yewîya neteweyîye tewrê Newroze bibê.''

Azad Bedranî ard ziwan ke wa Newroza 2021î biba wesîleya haştîye û wayûbiratîye. Bedranî vat: ''Wa şarê ma pê ruhê Newroza serra 90î tewrê şayîyan bibo.''

Şîlane Dora vat: ''Newroze serewedaritiş, roşan û xoverdayîş a. Wa şarê ma seba yewîya neteweyî Newroze de meydanan pirr bikero.''

Ahmet Jîyarayî vat: ''Ez venga kurdan dana ke pê ruhê xoverdayîşî tewrê Newroze binê û meydanan debikerê.''

Helîmê Omerî vat:''Newroze roja serewedaritiş û xoverdayîşî ya. Pê ruhê Newroza 90an bêrê şayîyanê Newroze.''