Hemserekê DBPyî yê Wanî û huqûqnas Cemal Demîrî derheqê tecrîd û heqê hêvîye de ANFyî rê qisey kerd. 

Demîrî da zanayene ke Rayber Apo 1999 ra nata Îmrali de tepişte yo la rixmê ney zî tim seba haştîye cîret keno. Demîrî pare kerd ke Rayber Apoyî derheqê qirkerdişê êzidîyan de hema 2005 de û derheqê şerê Sûrîye de hişyarîye dabî. 

Demîrî vat: ''Fikrê Birêz Oalanî ercîyaye yê û heqê hêvîye ganî nêbê hacetê nîqaşanê sîyasîyan. Mehkemeya Heqanê Merdiman a Ewropa (MHME) na babete de birêka zelale dabî. Raşt nîyo ke no heqo ke ameyo naskerdene sey hacetê şantajî bêro şuxilnayene. No heq ganî qetî bêro şinasnayene.''

Demîrî îfade kerd ke tecrîd 1999 ra nata bêmabên dewam keno û vat: ''Seba çareserîya meseleyan ganî hêverî tecrîd bêro wedaritene. Ganî îmkanî ey rê bêrê dayene ke o bieşko hemkarîya haştîye û çareserîye bikero. Rewşêka taybete est a, kesayeto ke temsîlîya xo ya komelkî û sîyasî est a. Seba ke ma bieşkê qalê wedarîyayîşê tecrîdî bikerê ganî perspektîfê ci yê haştî û çareserîye bêro vilakerdene. Ganî şert û mercî bêrê vurnayene. Yanî ganî Abdullah Ocalan azad bibo.''