Rojnamegerî Nazim Daştan û Cîhane Bîlgîn 19ê kanûne de rayîrê mabênê Awbendê Tişrînî û bajarekê Sirînî hetê droneyanê çekdaran ê dewleta tirke ra ameyî qetilkerdene. Keyeyê wird şehîdan bi tewrbîyayîşê Wekîlê DEM Partî yê Mêrdînî Kamuran Tanhan û huqnasan sey heyetêkê semedê girewtişê cenazayanê xo waşt şirê Başûrê Kurdîstanî la heyet Berê Sînorî yê Xabûrî de ame astegkerdene.

Komeleya Huqûqnasan a Seba Azadîye (OHD) hesabê xo yê Xî ra eşkerayîye daye û nê vatî: ''Keyeyî hîrê rojî yo semedê girewtişê cenazayanê xo Berê Sînorî yê Xabûrî de pawenê ke no binpaykerdişê heqan o. Ma tîya ra veng danê heme rêxistinanê huqîqî, rayapêroyîya demokratîke ke wa vera nê caardişanê keyfîyan vengê xo vejê.''