Paytextê Almanya Berlin de serkêşîya dezgehanê heqanê merdiman û rêxistinanê huqûqnasan de bi nameyê 'Qedexeyê Serê PKKyî yo 28 serre: Ma nika qisey kenê' roja dîyine de dewam kerde.

Forumo ke banê verênî yê Waqfê Rosa Luksemburgî de yeno kerdene 18ê hezîrane ran ata qedexeyê vera PKKyî û krîmînalîzêkerdişê kurdanê ke Almanya de yenê destgirewtene.

Avûkatî Dr. Rolf Gössner, Dr. Lukas Theune, Stephan Kuhn û Fatma Sayin ê ke xeylêk serrî yo ewnîyenê dewayanê sîyasetmedar û aktîvîstanê kurdan ra qisey kerd tecrubeyê xo ardi ziwan.  Huqûqnsanê almanan ard ziwan ke badê qedexeyî kurdî sey sûcdarî ameyî vînayene û heme heqê înan ê bingeyênî destê înan ra ameyî girewtene. Avûkatan vat çend şino sebebê qedexeyî kêmîyenê la rixmê nê çarçeweya qedexeyî tim û tim yena hîrakerdene. Avûkatan vat: ''Dewleta almanî seba ke leteyê pêkewtişêkê leşkerîyî yo  çalakîyanê haştîye yê kurdan zî qedexe keno.  Dewayanê PKKyî de huqûq xizmetê sîyasetî keno. Muwekîlê ma welatanê bînan de zî tepişyenê û teslîmê Almanya benê. Qanûnê 129/b heme kurdanê ke Ewropa de yê tehdît keno.''

Dima ra wezîfedarê banderîye yê Unîversîteya New South Walesî yê Sydneyî  Vicki Centas û nuştox  Rasmus Canbäck derehê qedexeyê vera PKKyî  û sîyasetê krîmînalîzasyonî yê vera kurdan ê Awustralya û Swîsre de qisey kerd.

Forum bi qiseykerdişê  Endanê KNKyî Adem Uzun, Parlementere Gukay Akabulut, avûkata hollandaliyije Tamara Buruma û avûkata belçîkayij Jan Fermon dewam keno.