Huqûqnasan ANFyî rê qisey kerd û vera xespkerdişê Hemşaredarê Wanî  Abdullah Zeydanî nêrazîbîyayîşê xo mojna.

Hemserekê verênî yê ÎHDyî yê Wanî Mehmet Karataşî pare kerd ke prosesê weçînayîşan de Erdoganî nîşaneya nê hêrişan daya. Karataşî vat: ''Eşkera yo ke dewamê nê hêrişan est o. Îqtîdar do xespkerdişê şaredarîyanê bînan zî muracat bikero. Nê hêrişî destpêkê hêrişanê topyekûnan ê.''

Avûkat Cemal Cemîrî ard ziwan ke vera îradeyê şarî darbe ameya kerdene û vat: ''Vera bira Heyetê Weçînayîşî yê Wanî îtîraz do bêro kerdene. Na bire bêhuqûqî û bêexlaqî ya. Eke Heyetê Weçînayîşî yo Berz (YSK) zî birêka winayêne bido o çax ma fam kenê ke vera şarî dafikêka pîle ronîyaya.''

Îdarekarê ÎHDyî yê Wanî Sînan Heval Arasî vat: ''Zeydanî muracatê şaredarîye ra verê cû pêro dosyayê xo dabî û muracatê ci yê seba namzedîye amebi qebulkerdene. La Wezîrîya Edaletî ferman da Mehkemeya Cezaya Girane û mazbataya ci nêameye dayene. Yanî çîyo ke ameyo kerdene goreyê usûlanê qanûnê weçînayîşan nîyo.''