28ê  endamê Komeleya Paştdayîş û Hetkarîye yê Alîmanê Dînî  (DİAYDER) 3ê temmuze de ameybî destbendkerdene. Înan ra Karabey, Mehmet Emîn Aslan, Nezîr Erdemcî, Ekrem Baran, Hakîf Tun û Sefa Mehmetoglu seba hutbeyo kurdkî wendo û tewrê Nimajê Îneyî yê  Sîvîlî bîyî û falîyetê komele rayra berdî ameyî tepiştene û 17 kesî serbest ameybî veradayene.

Badê şeş mengan hetê Serdozgerîya Komare ya Îstanbulî ra îdîaneme ame amadekrdene Mehkemeya Cezaya Grane ya 14. ya Îstanbulî rê ame teqdîmkerdene. Îdîaname de rîyê falîyetanê komale û hutbeyê kurdkî ra 23 kesî bi sey endamê rêxistene û paştgêrê rêxitene yenê sûcdarkerdene. Goreyê dozgerî hutbeyê kurdkî de ziwanê rêxistine ameyo şuxulnayene. Derheqê 5 kesan de qerar bêteqîbîye ame dayene. Roniştişo verê nê dewaya endamanê DÎAYDERî do 18ê sibata 2022yî de bêro kerdene.