Goreyê xebera keyepelê Iraq Oil Reportî Iraqî reyna hêrînayîşê petrolê Başûrê Kurdîstanî ra gerreyê dewleta tirke ya îşxalkere kerd. Xebere de ame parekerdene ke Tirkîya ganî nêzdîyê 601 mîlyon û 900 hezar dolarî bida hukmatê Iraqî.

Xebere de dîya zanayene ke çend mengî yo mabênê Tirkîya û Iraqî de petrolî ser o bazarîye dewam kena û na hemleya Iraqî ya newîye zî mojnena ke Iraq û Tirkîya seba petrolî pênêkerdo.

Iraq seba ke petrolê Herêma Kurdîstanî roşîyeno Tirkîya muracatê Mehkemeya Mîyanneteweyî ya Tahkîmî ya Parisî kerdbi. Mehkeme bire dabî ke Tirkîya petrolê Herêma Kurdîstanî bi hawayêkê neheqî hêrînayo û peymana 1973yî ya wird welatan binpay kerda.