Isparta de tepişteyan rê îşkence yeno kerdene

Eşkera bi ke Zîndanê Isparta de hêrişê vera Garê ra dima tepişteyan rê îşkence ame kerdene.

Avûkat Ramazan Dalçîçek 24ê sibate de muwekîlanê xo Yilmaz Ay, Îsmaîl Goçerî û Cengîz Akkayayî reyde qisey kerd.

Dalçîçekî da zanayene ke rixmo ke Zîndanê Isparta de payan ser o hûmaritiş çin o hêrişê vera Garê ra dima na qayde hûmaritiş tepişteyan rê ameyo ferzkerdene.

Dalçîçekî ard ziwan ke tepişteyî pê zorî payan ser o ameyî vindarnayene û wexto ke înan qebul nêkerd maruzê şîdetî mendî.

Dalçîçekî îfade kerd ke ê do gerreyê wezîfedaranê zîndanî bikerê.