Rêxistina HDPyî ya qezaya Fatîhî ya Îstanbulî seba ke wayîrê grevê vêşanîye yê tepişteyan vejîya eşkerayîyêke daye.

Wekîla HDPyî Zuleyha Gulum, aktîvîstê TJA û endamê Meclîsê Ciwanan ê HDPyî zî tede xeylêk kesî tewrê eşkerayîye bîyî.

Wekîla HDPyî Zuleyha Gulum uca de qisey kerd û îfade kerd ke tecrîd Îmraliyî ra pêra welatî vila bîyo û ganî tecrîd cade bêro qedînayene. Gulume vat: ''Tecrîdê Îmraliyî bi hawayêk^eîlegalî dewam keno. Coka tepişteyan dest pê grevê vêşanîye kerd.''

Hemsereka HDPyî ya Fatîhî Seyrane Îpek zî vat: ''AKPyî janê Korona xo rê firsend dî û zîndanan de tecrîd vila kerd. Seba ke tecrîdê vera birêz Ocalanî û binpaykerdişê heqanê înan biqedê tepişteyan dest pê grevê vêşanîye kerd. 100 zîndanan de 2 hezar û 500 tepişteyî grev de yê. Cade waştişê înan wa bêrê caardene.''

Eşkerayîye bi slogan û çepikan qedîyaye.