Rêxistina Partîya Demokrasîyî û Têdûştîye ya Şaran (DEM Partî) ya Îstanbulî vera destsernayîşê  îradeyî ke AKP-MHPyî Colemêrg de kerd Kadikoyê Îstanbulî de mîtîng viraşt.

Hemserekê Pêroyî yê Kongreya Demokratîke ya Şaran (HDK) Esengule Demir û Cengiz Çîçek, îdarekarê bajar û qeza yê DEM Partî, Serekê CHPyî Kadikoyî Ali Narin, rêxistinê komelê sîvîlî, femînîstî,temsîlkarê partîyanê sîyasîyan û bi seyan kesî tewrê tewrê mîtîngî bîyî.

Çalakîye de pankartê ''Şaredarîyî  yê ma yê, ma do desturê xespî medê'' ame akerdene û  sloganê sey '2Bijî berxwedana Colemêrg'', ''Qeyûm do şiro, ma bimanê'', ''Kurdîstan do bibo mezelê faşîmî'' ameyî vatene.

Metnê çapemenîye de nê ameyî vatene: ''Şaredarîyî yê ma yê, ma do destûrê destsernayîşî  medê. Xeta ma têkoşînê Wanî yo. Şima pê zor û şîdetî nêeşkenê îradeyê ma teslîm bîgêrê.  Ma veng danê şarê xo, pawitoxanê demokrasîyî, cinîyan, ciwanan û muxalefetî vera destsernayîşê  Şaredarîya Colemêrgî bivejîyê. Tewirê muxalefetî yê vera destsernayîşê  Şaredarîya Colemêrgî ameyoxê nêzdîyî yê Tirkîya do bewlî bikero'