Endamê Komîteya Rayberdişî ya PKKyî Duran Kalkanî programê Medya Haberî de rojdem erjna. Qiseykerdişê Kalkanî ra qismêk wina yo:

''Ez verî şexsê hemrayanê ma Şêxmus, Bêrîtane û Brûskî de yê  ke xoverdayîşê Vakurî de şehîd bîyî, heme şehîdanê ma bihurmet yad kena. Ganî ma înan raşt fam bikerê û raşt wayîrê vîrameyîşê înan bivejîyê. Inkey têkoşîno sey her wextî nîno kerdene. Şertanê ewro de manaya xoverdayîşê winayênî yê Vakurî cîya yo. Na çarçewe de Avaşînî ra heta Gever, Zagrosî çalakîyî ameyî kerdene. Botan de pêkewtişî qewimîyayî. Gabar û Mawa de, Mêrdîn de, xeta Kerboran de pêkewtişî qewimîyayî.  Xora xeta Serhedî de pêkewtişî benê. Yanî faşîzmê AKP-MHPyî bi ameyî wisarî bi taybetî dekewtişê hamnanî de her warî de operasyon da destpêkerdene.

Yanî her hetê Vakurî warê şerî yo. Hetê bînî ra bajaran de xoverdayîş est o. Mîlîsê HBDHyî hema hema her oje şer kenê. Şervanê YPSyî şer kenê. Vakurkê çalakîyê gerîlayan û mîlîsan yenê kerdene. Na rewşa newî û muhîm a. Vera faşîzmê AKP-MHPyî ganî ziwano ke ê tira fam ke ey ra bêro şerkerdene. Nê hetî ra ganî ma heme waranê Vakur û Tirkîya, koyan, newalan, bajaran bikerê waranê şerê antîfaşîstî û xoverdayîşî. Vera terorê faşîstî ganî ma çarçewaya şîdetê şorişgêrî de bizanê têkoşîn bikerê. Ganî ma bizanê hêrişkaranê faşîstan ra hesab bipersê û qesas bîgêrê. Heta ke hesab mero pesayene verê nê hêrişanê faşîstan nîno girewtene. Nê hetî ra bitaybetî hetê hêzê şorişgêr û demokratîkî, hêzê sosyalîstî ganî têkoşînê xo zafêr birkerê radîkal, bineyna bikerê bitesîr. Gerîla û mîlîsî naye rê sekêşîye kenê.

3ê temmuzî ra nata tay rewşe neweyî est ê. Xora hemserekîya ma eşkera kerd û dezgehê eleqedarî yê  HPGyî tirm zanayîş danê şarî. Yewîyê zirxinî, tank û wesyîtê zirxinî yê yê artêşa tirke rayîranê PDK û Îraqî ra bi rehatîye ravîyartî û tay cayan de xo ca kerd.  Tay cayan tepişene. Wazenê wina hêrişê îşxalî bikerê. Iraqî vera ci veng nêvet û PDK xora paştî dano ci. Qerarê nê Bexdad de ame dayene. Mesut Barzanî şi Bexdad ûca qerar gerîya. Artêşa tirke 26ê tebaxa 2016 de hêrişê vera Sûrîye û Iraqî hêrişê îşxalî da despêkerdene. A roje zî Mesut Barzanî Anqara de bi. Ça de qerarê hêrişî dîyeno Barzanî ûca de yo. Binê hêrişê îşxal û îlhakî yê vera Kurdîstanî de îmzaya Mesut Barzanî est a. Her kesî zafêr o xebityeno. Binê heme karanê leyminan de îmzaya ci est a.  

PDK xora tim xizmetkarîye keno. Badê 3ê temuze herêma pîle ya roşîyaye dewleta tirke. Artêşa tirke dewan dana bombayan ver, kena veng ke warê Xakurkê, Avaşîn, Zap, Metîna û Heftanînî bi temamî bikewê binê kontrolê ci. Waştişê dewleta tirke no yo. Iraq û PDKyî zî no qebul kerdo la vera nê têkoşîn gird ê gerîlayan est o. Tim pêkewtiş û çalakîyî benê. Roje de 10-15 çalakîyî yenê kerdene. Netîceya hêrişê îşxalî têkoşînê gerîlayan, nêzdîbîyayîşê şarê Başûr û Îraqî, şarê kurdî rayapêroyîye do bewlî bikero. Şaro welatperwer û Gerîlayê Azadîye yê Kurdîstanî do qetî xover bidê.

Artêşa tirke ya îşxalkera ke vera gerîlayan nêeşkena ser bikewo pîya bi çeteyanê xo qoriciyan zî kirişena Başûrê Kurdîstanî. Fermandaranê ma yê Merkezê Qerargahî qoriciyî hîşyar kerdî. Ma zî vanê wa gej mebê, hesabê nê do xirab bidê.

PDK nêwazeno wa teberê ci de yewna rêxistina kurdan bibo. Coka hêrişê PKKyî keno.Wa Mesut Barzanî bizano ke hayîya ma pê est a, gama ke Rayber Apo şi Roma, seba ke ûca bêro muhakemekerdene çend dosyayî dozgerîya Roma rê şawitî! Ê dosyayî destê ma de yê. 26 serrî yo Rayber Apo bi destê kamî Îmrali de yeno tepiştene? Ma înan zaf hole zanê.

PDK semedê menfeatê xo, pawitişê keyeyê Barzanî erdê Kurdîstanî roşeno. Ganî hinî naye ro vajîyo bes o. Wa her kes hîşyar bo. Wa şarê kurdî na raştîye bivîno.  Ganî heme rêxitinê kurdan vera nê têkoşîn bikerê.''