Polîsanê yunanan şaristanê Lavrioyî yê Yunanîstanî de serê sibayî eşt Kampa Lavrioyî ser. Polîsan ber û pancerayî şikitî û doman û cinîyî zî tede tewr tay 50 kurdî kampe ra bi zorî vetî û seba ke bişawîyê kampanê bînan destbend kerdî.

Balkêş o ke no sereştiş kombîyayîşê NATOyî ra ver qewimîya û hetê medyaya hukmatê Yunanîstanî ra sey 'Tirkîya rê jestî' ame pêşkêşkerdene. Medyaya hukmatî de nê multecîyê kurdî sey 'terorîstî' ameyî pênasekerdene. 

Hetê bînî ra Merkezê Kulturê Kurdan ê Demokratîkî yê Yunanîstanî sereştiş û destbendkerdişî şermezar kerdî û venga pêro kesan da ke ewro saete 17.00 de verê Akademîa Atina de tewrê çalakîya protestoyî bibê.