Meclîsê Kede yê HDKyî vera tayînkerdişê qeyûman kampanyayêka bi şîarê ''Îradeyê şarî bişinasnê, wa şaredarê weçîniteyî abigêrê erkê xo'' daye destpêkerdene. 376 dezgeh, rêxistin û kesî beşdarê kampanya bîyî.

HDKyî derheqê kampanya de Hill Otêle de eşkerayîyêke daye. Rêxistinê kede, sendîka û partîyê sîyasîyî zî tewrê eşkerayîya kampanya bîyî.

Eşkerayîye de pankarta ''Îradeyê şarî bişinasnê, wa şaredarê weçîniteyî abigêrê erkê xo'' ameye akerdene.Berpirsyarê Înşaat-Îşî Denîz Gîderî eşkerayîye webde. 

Gîderî ard ziwan ke qeyûmîye antîdemokratîk a û vat: ''Qeyûmî krîzan xorinêr kenê. Qeyûmî vera rejîmê demokrasîyî darbe yê. Ma wazenê ke no kerdiş biqedo, şaredarê weçiniteyî wa abigêrê erkê xo.''