Kanada destûrê rotişê çekanê 'neweyan' ê seba Tirkîya vindarna

Kanada verba Tirkîya ya ke hêrişanê îşxalkarîye yê serê Vakur û Rojakewtena Sûrîye rê dewam kena, rotişê çekanê neweyan vindarna.

Dimayê hêrişanê Tirkîya yê serê Herêma Îdareyo Xoser ê Vakur û Rojakewtena Sûrîye, zafê welatan peymanê çekrotişî yê seba Tirkîya vindarnayî. Wezaretê Karanê Teberî yê Kanada da pêhesnayene ke Hukmatê Kanada rotişê çekanê Seba Tirkîya vindarna.

Eşkerayîye de ame vatene ke hêrişê îşxalkarîye rewşa nikayêne de do zîyanêko pîl bide aramîya herême û destkewteyanê ke heta nika verba DAÎŞ'î ameyî destfistene. Serebûtanê peyênan ra dima Hukmatê Kanada wextêk destûrê bazirganî ya newîye yê seba Tirkîya vindarneno."

Ewro zî Wezaretê Karan ê Teberî yê Îspanya zî eşkerayîyêke daye ke Îspanya hemparanê xo yê hemkaran reyde Yewîya Ewropa de hêrişê serê Sûrîye tasdîq nêkena û naye ra lîsansê seba bazirganîya hacetan ê leşkerî yê newe nêdana.

Goreyê doneyanê hukmatê Kanada, serra 2018 de Kanada  Tirkîya rê bi vayeyê 116 mîlyon dolarî çekî rotî.