Hemserekê Komeleyanê Elewîyanê Demokratîkan (DAD) ê Anqara Mustafa Karabudakî derheqê hêrişanê vera elewîyan de ANFyî rê qisey kerd.

Mustafa Karabudkî bale ante polîtîkayanê qirkerdişî yê vera şaran û bawerîyan ser û nê vatî: ''Dewlete kam ke sey ci nîyo dişmen hesibnena. Çayo ke teberê sînorî de nêresana ci bi paştdayîşê çeteyan ûca qirkerdişan kena. Ewro Sûrîye de zî nê ciwîyenê. Sûrîye de hetê hêzanê selefî ra qirkerdişî yenê kerdene. Tîya ma  ke vera nê qirkerdişan vengê xo vejenê vera ma rê zî medyaya sanale de binê nameyê 'Elewîtîya Sîyasale' de ke bi xo veto werte, dişmenîye elewîyan rêxistine kenê. Verê qirkerdişanê neweyan akenê. Elewîyî çirey cayê zîhnîyet, îqîtîdar û dîktatorê ke ganî geno de ca nêgenê. Elewîyî goreyê bawerîya xo çirey şîdet û şerî sey çîyê bimbarekî nêvînenê.''

Karabudakî bale ante ser ke çeteyî bi qirkerdişan Sûrîye  de sûcanê şerî kenê û wina vat: ''Ganî helêke cuwa ver mekanîzmayê edaletî yê mîyanneteweyîyî bikewê dewre. Şaranê Sûrîye bedelê girdî dayî. Ganî îşxalkerî hêzanê xo ûca ra biancê. Ma pê bawerê ke şarê Sûrîye qederê xo do bi xo tayîn bikerê û cuyeya xo ya demokratîke awan bikerê û pîya biciwîyê.''