Hetkara Serekîya Pêroyî ya EMEPî Sevda Karaca derheqê tayînkerdişê qeyûman de ANFyî rê qisey kerd.

Sevda ard ziwan ke qeyûmî teyna Kurdîstan de ney her cayê Tirkîya de vila bîyê. Karaca vat: ''Şarê kurdî hem weçînayîşanê pêroyîyan de hem zî weçînayîşanê herêmîyan de mesajêko zelal û eşkera da. No mesaj o bi şar hinî haştîyêka rûmetêne wazeno û sîstemê OHALî yê îqtîdarî red keno.Îqtîdar nê mesajî seba estbîyayîşê xo tehluyîn vîneno. Coka şar tersneno û tehdît keno. Şarê kurdî terefê xo weçîna û şaredarîyê xo vistî destî Rayîrê têkoşînê vera qeyûman yewî yo.''

Sevda îfade kerd ke caardişê antî-demokratîkî yê îqtîdarê AKP-MHPyî her roje zêdîyenê û vat: ''Bernameyêkê ekonomî est o ke xîret keno destkewteyanê kedkaran çin bikero. Çar hetanê welatî de hêrişkerîyêke est a ke xîret kena xoverdayîşê karkeran çin bikera. Hetê bînî de kanwazîyêke est a ke xîret kena ke heqanê cinîyan çin bikera. Wezîfeyanê ma ra oyo esas no yo ke ma vera nê hêrişan têkoşîn bikerê.''