Endamê Konseya Rayberdişî ya KCKyî Mustafa Karasuyî derheqê erdlerzî de ANFyî rewşe ercna.

Karasuyî ard ziwan ke berpirsîyarê felaketa erdlerzî ya ke bîye sebebê rijnayîşê girdî, sîyasetê Tirkîya yo û vat: ''Xora dewleta tirke vera şaran ameye ronayene, coka wextê felaketan de cayê şarî de nîya. Xeyrê paştîdayîşê komelî, cehdkerdişê rêxistinanê komelê sîvîlî felakete dahîna gird nêbîye. Dewleta tirke felaketa erdlerzî de rijîyaye. Hukmatê AKPyî keno ke bi metodanê şerê taybetî serê raştîyanê erdlerzî bigêro.''

Karasuyî vist vîrî ke hukmatê APKyî pereyo ke 1999î ra dima semedê erdlerzî ameyo arêdayene, werdo û veng da ke wa çew hetkarî medo dewlete û AFADî. Karasuyû vat ganî her kes bi destê rêxistinanê komelê sîvîlî paştî bido mexdûranê erdlerzî.

Karasuyu bale ante polîtîkaya dewlete ya vera Mereşî ser û vat xora verî zî badê Qirkerdişê Mereşî herême amebî vengkerdene. Sey o wextî ewro zî wazenê ke bi bahaneyê erdlerzî şarî erdê ci ra bikerê. Ganî her kes paştî bido şarê herême ke ê bieşkê ûca cuya xo bidê domnayene.