Hakan Arslano ke wextê qedexeyê tebervejîyayîşî yê Sûrê Amedî de 2ê kanûna 2015î de şehîd bibi esteyê ci 7 serran ra dima hetê dozgerîye ra  zereyê yew tewreyî de dîyayî babîyê ci. 

Bi nê hawayî teslîmkerdişê cenaza bi sebebê xeylêk nêrazîbîyayîşan. Rojnamet û karîkaturîstê îtalyanî Gianluca Costantiniyî Îstanbul de dêsêkî ser de babî û yew tewreyo ke cenazaya Hakan Arslanî tede dîyabî, xêz kerde.

Resim de sereyê Arslanî bi rengê sûrî ameyo xêzkerdene. Costantiniyî resim medyaya dîjîtale de bi nê îfadeyan vila kerd: ''Dozgerîya Amedî ya başûrê rojawanî yê Tirkîya cenazaya Hakan Arslano ke operasyonê leşkerî yê şaristanî de dinyaya xo bedilnabî, 7 serran ra dima zereyê yew tewreyî de teslîmê keyeyê ci kerd. Hakan Arslan û babîyê ci kuçeyanê Îstanbulî de yê.''