Serdozger Pettersonî kombîyayîşê çapemenîye de ke 10ê hezîrane de bi hawayêkê gandarî televîzyon de weşanîya, da zanayene ke Stig Engstomî Serekwezîrê ê çaxî yê Swêdî Olof Palme kişt û dosyaya kişîyayîşê Olof Palmeyî 34 serran ra dima ameye padayene. Ma derheqê babete de Hemserekê KONGRA-GELî Remzî Kartalî de qisey kerd.

Kartalî vist vîrî ke tekîlya Olof Palme bi kurdan û şaranê bindestan senî hole bîye û vat coka eşkerayo ke Palme qey ameyo kiştene. Kartalî nê vatî:  ''Olof Palme vera polîkîya hêrişkare ya vera şaranê bindestan  bi. Palme Vîetnam, Afrîkaya Başûre, Filîstîn her ca de pê paştîya şaran de bi û paştî dayêne têkoşînê azadîye yê kurdan. Coka semedê Ewropa rayberêko winayên o ke wayîrê mesalaya kurdan vejîyayêne bitehluke bi.

Têkoşîni çekdaro ke hetê PKKyî ra 15ê Tebaxa 1984î de ame destpêkerdene semedê Tirkîya û mutefîkanê NATOyî tehlukeyêko pîl bi. Coka werte ra wedartişê Palmeyî semedê înan qezenco zafhetin bi. No konsept hetê îstîxbaratê  Swêdî, Amerîka, Almanya, îngîlîstan û hêzanê NATO ra ame amadekerdene. Vera têkoşînê azadîye yê kuran senaryoyêk ame serûberkerdene. Planê bi kerrayêke kiştişê çend mîlçikan ame kerdene. Hêzanê mîyanneteweyî kiştişê Palme yo ke hetê kurdan ra ameyêne heskerdene eştê milê PKKyî ke xo bikerê pak û vernîya têkoşînê kurdan bigêrê. Hema serra 1986î de îstîxbaratê Swêdî îdîa kerdbi ke lîsteyê kiştişî yê ê PKKyî de Olof Palme esto û no çapemenîye de pare kerdbi. No zî ramojnenoke kiştişê ey serreke verê ci ra ameyo plankerdene.

Kiştişê Paylme semedê kurdan vînîkerdişo gird bi. Seba ke ey paştî dayêne şarê kurdî kiştişê ey semedê têgêrayîşê kurdan zî vînîkerdişo gird bi. Xora badê kiştişê ey cade Swêd, Almanya û welatanê bînan ê Ewropa de hêrişanê plankerdeyan ê vera PKKyî dest pêkerd. Hem Kurdîstan û Tirkîya de hem zî Ewropa de kampanyaya çînkerdişî yê vera PKKyî ameye destpêkerdene.

Badê 34 serran qefilyayayîşê dosya zî nîşanê konseptekê NATO û hêzanê xorîyan dano. Sûc yeno eştenê serê kesî ke serra 2000î de merdo. Hema ke qewimîyayîş newe bi bêdelîlêk xeylêk kurdî ameyî tepiştene ke naye eşkera planê înan ramotene. Badê 34 serran hema hesabê înan nêameyo dayene, derheqê kurdan de eşkerayîyêke nêameya dayene û xorexnekerdiş nêameyo dayene sucê kerd kesê merdeyî milê û wazenê mîyanê naye ra vejî. Çîyêko wînayên nîno qebûlkerdene. Palme hetê hêzanê tarîyan ra ame kiştene, kurdî ameyî sûdarkerdene û nika dosya ameye qefilnayene. Ganî vera naye têkoşînêk bêro dayene ke hukmatê Swêdî kurdan ra  semedê sûcdarkerdişê PKKyî ozrê xo biwazo. Ganî dezgehê kurdan û hetê demokratîkî şirê babete ser ke hukmatê Swêd eşkerayîyêka raşte bido û kurdan ro ozrê xo biwazo.''