Konseya Pêroyî ya Têgêrayîşê Şorişgêrî yê Yewbîyayeyî yê Cinîyan (KBDH) derheqê erdlerzê Kurdistanî eşkerayîyêka nuştekîye weşanaye.

KBDHyî eşkera kerd ke, ‘‘Karakterê dişmenîya hemverê şarî ya serdestîya faşîste ya AKP-MHPyî bi na felaketa girde reyna vejîya meydan û vat, ‘‘Ma şarê xo yê ke erdlerzê 6ê sibate înan rê tesîrêko giran kerdo, hemînan ra serweşîye wazenê, birîndaran rê zî şîfa wazenê. Dejê şarê ma dejê ma yo zî.

Nê erdlerzî de tewr zaf kedkarî, cinî û domanî mexdûr bîyî. Na felakete rasterast tesîrê bi mîlyonan însanan kerdî. Seba nehazirîya dewlete ya felekatan kerd ke na felakete hîna giran tesîrê însanan bikera. Bi hezaran însanî hema binê xirban de yê û bi se hezaran însanî zî teber ra vêşan û têşan ê.

Reyna ame vînayene ke na serdestîya faşîste îstîsmarê dej û birînananê şarê ma ra vêşêr çîyêk nêkena. Hukmatêko seba şerî bi mîlyar dolaran xerc kena, seba na babeta cuye ya şarî de çîyêk nêkena.

Nê rojanê zehmetîyan de gere ma paşdayîşê şarê xo xurt bikerê û bi ruhê seferberîye têwbigêrê. Wext o wext o ke ma seba hewcedarîyanê şarê xo yê lezgînan bi heme hêzê xo seferber bibê