Dîwanê Hemserekîye yê Kongreya Komelê Demokratîkî ya Kurdan a Ewropa (KCDK-E) semedê çalakîya înan a pîle raywanê Keştîya 'Ocalanî rê Azadîye' selam kerdî.

KCDK-E vist vîrî ke Komployê vera Rayberê Şarê Kurdî Abdullah Ocalanî 9ê teşrîna verêne ya 1998î de dest pêkerd û Ocalan 12ê teşrîna peyêne ya 1998î de Rûsya ra şi Roma. KCDK-E ard ziwan ke semedo ke raştîya Komployê Mîyanneteweyî nêra vîrakerdene Keştîya Azadîye kewte rayîr.

KCDK-E bale ante ser ke keştîye de xeylêk welatan ra aktîvîstî, sîyasetmedarî û kesayetî estê û na çalakîye semedê pûçkerdişê komployî xeylêk girîng a. KCDK-E da zanayene ke çalakîkerî wazenê tecrîdê Îmraliyî biqedo, hêrişê kîmyewî yê Tirkîya bêrê vindarnayene û Tirkîya herêmanê ke îşxal kerdê ra vejîya.

KCDK-E vat: ''Ma raywananê keştîye selam kenê. Waştişê înan waştişê ma yê. Ma venga şarê xo danê ke Keştîya Azadîye bi merasîmê heybetînî pêşwazî bilero. Semedo ke azadîya Rayber Apoyî bêra caardene ganî pêro welatê Ewropa seferber bibê.

Raywanê Keştîya Azadîye nê kes ê:

Salvatore Malinconico Nuştox, Fîlozof (endamê Komîteya Ocalanî rê Azadîye ya Îtalya), Giansandro Merli (Rojnameger -il Manifesto), Rojnameger Sofia Gabasino (Dînamo Press Îtalîa), Patrizia Montesanti Rojnameger,(Dinamo press italîa), Stefano Mannironi (avûkat)Maria Mannironi (Sereka Noro ARCI-Îtalya), Rajaa İbnou Quounain (Konfederasyonê Yewîya Şarî ya CUB), Josef Karl Heinrich Savary (Doktorê Xaça Kesk, sîyasetmedar), Ignacio Argemi Roca (sîyasetmedaro Katalan ), Anne Degeneve (sîyasetmedara Katalae), Maria Florencia Guarche (akademîsyene), Nathalia Benavides (Arjantîn), Benedetta Luisa Carolina (Îtalya), Richard Wilde (Almanya), Lotta Sprenger (Almanya), Marie Hélène Sauloy (dîrektore), Antoine Cuche (Kameraman), Adriana Masmitja Marin (Katalanya), Yalda Abbasi (muzîsyena kurde), Fatemê Esmaeilian Zare (muzîsyeno kurd), Îmam Huseyîn Yıldız (Hemserekê DEM-NEDî yê Hollanda), Farqîn Azad ( Muzîsyeno Kurd), Ertugrul  Kurkçu (Parlamentero verên ê HDPyî), Nursel Aydogan (Parlamentera verêne ya HDPyî), Leyla Îmret (Şaredara verêne ya Cizîre), Besîme Konca (Parlementera verêne ya HDPyî), Yuksel Koç (Hemserekê KCDK-E), Naciye Demîr (Almanya), . dîplomato kurd  Eyup Doru, dîplomata kurde Melike Yaşar, Slyvie JAN (Sereka Komeleya Dostanîya Fransî-Kurdî), Anja Flach (çalakwana almane), Michèle Laurent (Îdarekarê Partîya Komunîst a Fransa), Eleftheria Psychogiou (Rojnamegera yunane).”