KCDK-E derheqê xespkerdişê şaredarîyanê DEM Partî yê Mêrdîn, Êlih û Xelfetî eşkerayîya nuştekîye daye û nê vatî:

''Şarêdarîyê Mêrdîn, Êlih û Xelfetî ameyî xespkerdene. Şarê kurdî rê polîtkayanê şerî ferz kenê. Vera waştişê demokrasîyî yê şarê kurdî bi tedbîranê zorbayan wazenê peyser game bidê eştene. Yeno waştene ke bi polîtîkayanê qirkerdişî destkewteyanê kurdan destê ci ra bigîrê ke bi bedelanê pîlan ameyî destfînayene.

Şarê kurdî rayîrê azadîye de yo ke Rayber Apoyî akerdo rayra şino. Qet polîtîkaya faşîstêke û zorbarîyêke nêeşkena verê têkoşînê şarê kurdî bigîro. Ma veng danê şarê xo û dostanê xo yê Ewropa wa  vera polîtîkayanê qirkerdişî  vejîyê waran û vera xespkerdişê îradeyî vengê xo berz bikerê.''