KCDK-E derheqê tecrîdê serê Rayberê Şarê Kurdî Abdullah Ocalanî de eşkerayîye daye û  semedê tewrbîyayîşê çalakîyan veng da.

KCDK-E bale ante sîstemê îşkenceyî yê Îmralîyî ser û nê vatî: ''Rayber Apo 26 serrî yo Îmrlai de binê tecrîdê girnaî de yo. Pêvînayîşê keyeyî û avûkatan nînê kerdene. Çar serranê peyênan de tira qet xeberêke nêameye girewtene.  Tekîlîya ci bi teberî bi temamî ameya birnayene, derheqê weşî û cuyeya ci de qet zanayîş nîno girewtene.

Mabênê  serranê 2021-2024î  de xeylêk rey cezaya dîsîplînî ya bi mengan dîyaye ci. Reyna goreyê vatişê avûkatan 3ê gulane de cezaya 6 mengan ya qedexeyê pêvînayîşê avûkatan ameya dayene. 8 serranê peyênan de tewr tay 13 rey cezaya 6 mengan yê qedexeyê pêvînayîşê avûkatan ameye dayene.

Şarê kurdî qesawet keno, hinî sebrê ci nêmendo. Bi mîlyonan kesî wazenê ke wa hinî no sîstemê îşkence û îsolasyonî biqedîyo. CPTyî zî wezîfeyê xo nêano ca, vera tecrîdî bêveng o. Ganî cade heyetêkê CPTyî şiro Îmrali û derheqê Rayber Apoyî de zanayîş bido. Reyna Konseya Ewropa zî ganî cade vera tecrîdî çîyêk bikero. Bêvengîya  CPT û Konseya Ewropa xizmetê qirkerdişê kurdan kena. Ganî ê cade goş bidê vengê bi mîlyonan kurdan.

Ma sey KCDK-E veng danê ke vera sûcê merdimîye yo ke Îmrali de yeno kerdene û cezayanê dîsîplînî ma bi ruhê seferberîye vejîyê waran û wayîrê Rayber Apoyî bivejîyê."