Semedê azadîya Rayberê Şarê Kurdî Abdullah Ocalanî bajarê Strasbourgî yê Fransa de 25ê hezîrana 2012yî ra nata Nobeta Azadîye yena rayraberdene. Çeteyanê dewleta tirke vizêr hêrişê çalakîye kerd. Gama ke çalakwanî warê çalakîye de nêbî, faşîstan hêriş kerd, tabelayî şikitî vîla kerdî û remayî.

KCDK-E derheqê hêrişî de eşkerayîye daye û semedê wayîrvejîyayîşê çalakîye veng da. Eşkerayîya KCDK-E de nê ameyî parekerdene:

''Semedê azadîya Rayberê Şarê Kurdî Abdullah Ocalanî û wedaritişê tecrîdê Îmraliyî hetê Înîsîyatîfê Abdullah Ocalanî rê Azadîye ra bajarê Strasbourgî yê Fransa de 25ê hezîrana 2012yî ra nata Nobeta Azadîye bi hewayêkê qerardarî yena rayraberdene.

Na çalakîya ke semedê Azadîya Rayber Apoyî sey çalakîya sembole yena zanayene hetê bi hezaran çalakwanan ra bi serran o yena wayîrvejîyayene.  27ê gulane de grûbanê faşsîtan ê tirkan hêrişê çalakîya Nobeta Azadîye kerd. Seba ke hukmatê Fransa vera Têgêrayîşê Azadîye yê Kurdan têdima tewirê xo yê hêrişkarî ramojnena û rîyê polîtîkayanê ci yê krîmînalîzasyonî yê vera kurdan ra grûbanê faşîstan paşt girewt. Çalakîya Nobeta Azadîye ya ke na hezîrane de do bikewo serra 12. rîyê tewirê Fransa ra raştê hêrişî ameye.

Ma sey KCDK-E veng danê hukmat û dewleta Fransa ke wa vera nê provokasyonan bêveng memanê. Ma veng danê şarê xo ke wayîrê çalakîye bivejo û provokasyonanê faşîstan betal vejo.''