Dîwanê Hemserekîye yê KCDK-E bi eşkerayîyêke vera hêrişanê îşxalî yê dewleta tirke yê vera Başûrê Kurdîstanî venga kurdan da ke 10ê gulane de Kolnê Almanya de tewrê kombîyayîşê çapemenîye bibê.

KCDK-E eşkerayîye de pare kerd ke nê hêrişê îşxalî seba qirkerdişê kurdan yenê kerdene la Têgêrayîşê Azadîye yê Kurdîstan pê pêro hêzê xo erd û şarê Kurdîstanî pawenê. KCDK-E da zanayene ke ganî nê prosesî de kurdî bêveng nêmanê.

KCDK-E îfade kers ke 10ê gulane de roja dişemeyî saete 16.30 de Breslauer Platz Koln de pê şîarê 'Wext wextê azadîye yo' de kombîyayîşê çapemenîye do bêro kerdene. KCDK-E venga kurdîstanijan, temsîlkaranê partî û dezgehanê tirkîyayîjan, hunermend û roşnvîran da ke tewrê nê kombîyayîşî bibê.