Dîwanê Hemserekîye yê KCDK-E seba çalakîya 13ê hezîrane vengdayîşê tewrbîyayîşî kerd. 

KCDK-E eşkerayîye xo de nê çîyî pare kerdî: ''Tewr peyên dewleta tirke herêma Biradostî ya Başûrê Kurdîstanî de derwêş û fîlozofê koyanê Kurdîstanî û fermandaro pîl Kasim Engîn qetil kerd. Wextê ci yo ke erjê xoverdayîşî yê ke hetê Kasimî ra ameyî afernayene bêrê pîlkerdene. Vera hêrişanê topyekunan ê dewleta faşîste ganî ma xoverdayîşêkê topyekunî bikerê. 

13ê hezîrane de çarçewa çalakîyanê vera hêriş û îşxalê dewleta tirke de Ewropa, Kanada û Awustralya de tay çalakîyî do bêrê kerdene. Ma venga kurdîstanijan û dostanê înan danê ke tewrê nê çalakîyan bibê.''