KCDK-E eşkerayîyêke weşanaye û pare kerd ke seba ke Şingal de verê qirkerdişan bêro girewtene ganî statuyê Şingalî bêro naskerdene. Goreyê eşkerayîye seba wayîrvejîyayîşê Şingalî 17-18ê temmuze de şaristanê Celle ra heta Hannoverî Almanya de rayraşîyayîşêk do bêro kerdene. KCDK-E seba beşdarîya rayraşîyayîşî veng da.

Vengdayîşê KCDK-E wina yo:
''Dewleta tirke ya ke pê cerganê DAÎŞî Şingal de qirkerdişî kerdî û waşt Şingal veng bikera semedê pawitişê hêzanê gerîla, YPG, YPJyî ra nêresaye armancê xo. Dewleta tirke narey zî pê hêrişan kena ke Şingal bivisna destî. Bêvengîya welatanê Ewropa û ê dinya bîye sebeb ke dewleta tirke hêrişê Şingal, Başûr û Rojawanî bikera.Welatanê Ewropa, Parlamentoya Ewropa, Neteweyanê Yewbîyayeyan û Konseya Ewropa yê ke qirkerdişê cerganê DAÎŞî yê vera Şingalî ra dima eşkerayîyî dayî, sozê xo nêardî ca. Şingal de vergirewtişê qirkerdişan ê neweyan pê naskerdişê statuyê Şingalî beno.

Seba ke Şingal de verê qirkerdişan bêro girewtene û Şingal bibo wayîrê statuyêkî Meclîsê Şingalî yê Teberê Welatî 17-18ê temmuze de Celle ra heta Hannoverî rayraşîyayîşêkê dergî do bikero. Ma venga şarê xo danê ke bi hawayêkê aktîfî tewrê nê rayraşîyayîşî bibo.''