Hemserekîya KCDK-E bi eşkerayîyêke dîyar kerd ke înan roja 12ê Teşrîna Peyêne 'Ewropa de Roja Grevê Neteweyî yê Vera Çekanê Kîmyewîyan' îlan kerda û seba rayraşîyayîşê Dusseldorfî yê 12ê teşrîna peyêne  veng da.

Eşkerayîye de ame vatene ke şarê kurdî prosesêkê îstîsnayî rê derbaz beno û dewleta tirke seba ke kurdan qir bikera bi her hawayî hêriş kena. KCDK-E da zanayene ke dewleta tirke pê çekanê kîmyewîyan hêrişê gerîlayanê ke temsîlkar û hêvîyê kurdan ê, kena û wazena ameyoxê kurdan bi nê hawayî çin bikera.

KCDK-E vat: ''Ganî ma 12ê teşrîna peyêne de qetî şorê Dusseldorfî û bibê nefesê gerîlayanê azadîye. Coka ma 12ê teşrîna peyêne sey 'Ewropa de Roja Grevê Neteweyî yê Vera Çekanê Kîmyewîyan' îlan kerde. 12ê teşrîna peyêne de kurdîstanijî, cinî, ciwan, kokim, wendekar, dikandar, komê bawerî, roşnvîr, sosyalîst, demokrat û her kes ma karê xo war verdê û bikewê waran. Ma venga şarê kurdî danê ke Dusseldorf de bibê bi des hezaran kesî

Vera bêvengîya OPCW, Yewîya Ewropa, Neteweyanê Yewbîyayeyan û hêzanê mîyanneteweyîyan ganî ma binê qîrayîş û nefesê gerîlayan. Ma bi tewirêkê xurtî eşkenê barbarîya hêrişanê kîmyewîyan vindarnê û bibê nefesê gerîlayanê azadîye.''