KCDK-E semedê azadîya Rayberê Şarê Kurdî Abdullah Ocalanî û wedarnayîşê tecrîdî roja şemeyî şaristanê Strasbourgî yê Fransa de verê Konseya Ewropa de nawnayîş û rayraşîyayîşêk do bikera.

KCDK-E derheqê çalakîye de eşkerayîyêke daye û da zanayene ke Abdullah Ocalan 23 serrî yo binê tecrîdî de yo. KCDK-E pare kerd ke sere de Amerîka û Ewropa hêzê mîyanneteweyî û dezgehê sey CPTyî vera tecrîdî vengê xo nêvejenê. KCDK-E vist vîrî ke dewleta tirke Başûr de vera gerîlayan çeka kîmyewîye şuxilnena û bi nê hawayî têkoşînê azadkerdişê Ocalanî asteng kena.

KCDK-E vat: ''Semedo ke hêzê mîyanneteweyî vera tecrîdkerdişê Rayber Apoyî têbigêrê ma 13ê teşrîna peyêne de şaristanê Strasbourgî yê Fransa de nawnayîş û rayraşîyayîşêk bikerê. Ma venga şarê xo û dostanê xo danê ke bi hawayêkê topyekûnî seferber bo, tewrê çalakîye bo û tecrîdî şermezar bikero.''

Bernameyê nawnayîş û rayraşîyayîşî wina yo:

Wext: 13ê teşrîna peyêne ya 2021î

Ca: Place de la république, 67000 Strasbourg

Saeta kombîyayîşî: 12:00