Hemserekê Kongreya Komelê Demokratîkî yê Kurdan ê Ewropa (KCDK-E) Fatoşe Goksugur û Yuksel Koçî seba ke bale binance hêrişê vera şaredarîyanê HDPyî û binpaykerdişê îradeyê şarê kurdî wezîranê karanê teberî rê mektubêke şawite û waşt ke ê vera neheqîye vengê xo berz bikerê.

Mektube eynî wextî de Konseya Ewropa, Parlamentoya Ewropa û Komîserîya Heqanê Merdiman a Neteweyê Yewbîyayeyî rê ameye şawitene.

Mektube de ame vîrvistene ke şarêdarîye HDPyî yê ke hetê şarî ra ameyî vîjnayene tim raştê hêrişanê dewlete yenê, sîyasetmedarî yenê tepiştene û îradeyê şarî yeno binpaykerdene û nê ameyî vatene: ''Tewr peynî de 5 şaredarîyê bînî  ameyî xespkerdene. Hemşaredarê Sêrt, Hawêl, Misirc, Altinova û Îdirî ameyî destbendkerdene û herinda înan de qeyûm ame cakerdene. HDPyo ke 3ê înan bajarê girdî 65 şaredarîyî fînaybî dest heta nika 43ê înan de qeyûm ame cakerdene. Rîyê Qerarnameyê Hukmê Qanûnî (KHK) ra mazbatayê 6 hemşaredaranê ci nêdîyayî înan. Wextê îqtîdarê AKPyî de 7 parlamenterê HDPyî 26ê înan kahan 22 neweyî 48 hemşaredarî  4000î ra zafêr îdarekarê HDPyî û aktîvîstî ameyî tepiştene. Hemşaredarê Qersî zî ameyî tehdîtkerdene.''

Hemserkan ard ziwan ke rixmê prosesê Korona dewleta tirke bi heme hêzê xo hêrişê şarê Kurdî kena û seba ke vera naye bêvengîye est çend şino ê hêrişanê xo zêdînenî vat: ''Ganî vera nê kerdişanê Tirkîya dezgeh û welatê mîyanneteweyî vengê xo berz bikerê.Ganî hetê sîyasî, ekonomî û dîplomasî ra şiro Tirkîya ser ke ê hêrişê xo vindarnê.''