Ewro nasnameyê 17 gerîlayanê ke pê çekanê kîyewîyan şehîd bîyî ameyî eşkerakerdene. Reyna dîmenê gerîlayanê ke raştê çekanê kîmyewîyan ameyî ameyî weşanayene.

KCKD-E badê nê xeberan eşkerayîyêke ke daye û vang da kurdan û dostanê înanê ke wa vera sûcanê şerî yê dewleta tirke yê ke verê çimanê dinya de yenê kerdene,  vejîyê waran.

KCDK-E vat:  ''Dewleta tirke ya îşxalkere vera gerîlayanê azadîye çekanê kîmyewîyan şuxulnena ke sîstemê sînîr û nefesgirewtişî felç kenê û benê sebebê vînîkerdişê vîrî. Dewleta tirke ya faşîste verê çimanê dinya de sûçê şerî kena. No wehşetê dewleta tirke nîno qebulkerdene û ganî cade semedê teşhîrkerdişê nê wehşetî şarê ma û hetê şorişgêr û demokratîkî lezabez vejîyê waran û tewirê xo ramojnê. Ma sey KCDK-E veng danê ke wa şarê ma her ca de wirzo payan ser. Ganî ma pê çalakîyan sere de rêxistine û dezgehê heqanê merdiman, OPCW  û heme dezgehê eleqedaran ê mîyanneteweyî hayîdar biker ke wa berpirsîyarîya xo bîyarê ca. Semedê teşhîrkerdişê rîyê gonîn û qirkerî yê dewleta tirke vejîyê waran û tewrê çalakîyan ê lezabezan bibê.''