KCDK-E derheqê tecrîdê Îmraliyî de eşkerayîye daye û pêhesnayene ke ê do 7-9ê kanûne de verê CPTyî de çalakîya nobete bikerê.

Eşkerayîye de nê ameyî vatene: "Hêrişê qirkerdişî bi têkoşînê Rayber Apoyî û seferberîya şarê kurdî zafê ci ameyî betalkerdene. La rîyê bêvengîya hêzanê mîyanneteweyîyî û paştdayîşo ke semedê menfeatê xo danê dewleta tirke, tecrîdê serê Rayberê Şarê Kurdî Abdullah Ocalanî bi giranbîyayîşî dewam keno. Çim û goşê bi mîlyonan kesan Îmrali de yê. Şarê kurdî û dostê înan wazenê bizanê Îmrali de se beno.Qisawetê ma sînorê tewr berzî de yo.

Badê eşkerayîya Buroyê Huqûqî yê Asrinî vejîya werte ke CPTyî Rayber Apoyî reyde pêvînayîş nêkerdo. İnkey qisawetê ma zafêr bîyo. Ganî dezgehê ke CPT pabesteyê ci yo, Komîsyonê Ewropa, Mehkemeya Heqanê Merdiman a Ewropa, Yewîya Ewropa semedê qedînayîşê tecrîdî berpirsîyarîya xo bîyarê ca.

Hele hela seferberîye ya, semedê azadîya Rayber Apoyî, wext wextê xurtkerdişê têkoşînî yo. Coke heta Rayber Apoyî ra xebere bêro girewtene ganî bêmabên bi ruhê seferberye çalakîyê bitesîrî yê xurtî bêrê kerdene. 7-9ê kanûne de do verê CPTyî de pê eşkerayîya çapemenîye çalakîya nobete ya hîrê rojan bêro kerdene. Çalakîya nobeta 7ê kanûne de roja çarşeme pê eşkerayîya çapemenîye saete 10:00 de Strasbourg de do dest pê bikero."