Hemserekîya Konseya Rayberdişî ya KCKyî bi wesîleya serra newîye mesajêk weşana. Mesajê KCKyî wina yo:

''Merdimatîye û şarê ma kewenê serrêka newîye. Serra 2024î dinya de, herêma ma û welatê ma de Şerê Dinya yo Hîrêyîn xorin bi, vilayê waranê neweyan bi û dewam keno. Şer bi sebebê xizanîye, bêkarîye, tenatîye.

Dewleta tirke ya îşxalkere û kolonyalîste şert û mercê Şerê dinya yê Hîrêyînî xo rê sey firsendî dîyî û seba tasfîyekerdişê Têkoşînê Azadîya Kurdîstanî her çi kerd. Tecrîdê vera Rayber Apoyî dewam kerd, vera gerîlayan her tewirê çeka kîmyewîye şuxilnaye, îşkenceyê giranî vera tepişteyan kerdî, heqê globalî çin hesibnayî û her bêhuqûqîye kerde. Teda, qirkerdiş, hêrişê cinsîyî vera cinîyan ameyî kerdene. Bi taybetî tayînê qeyûman mojna ke vera heqanê şarê kurdî bêtehamulîyêka pîle est a. 

Bi serebûtanê Sûrîye çeteyeanê Artêşa Milî ya Sûrîye (SMO) yê dewleta tirke Rojawan de şarê kurdî wareyê ci ra kerdî, cinî û domanî qetil kerdî.

Hêrişê vera şarê ma û Têgêrayîşê Azadîya Kurdîstanî esasê xo de bi nê armanncî yenê kerdene ke îradeyê xoverdayîşî, hêvî û bawerîya cuya azade bişiknê. Xoverdayîşo ke Rayber Apoyî şert û mercê tecrîdî de kerdo, xoverdayîşêko çêr o. Gerîlayan rixmê her tewirê çekanê qedexekerdeyan û teknîkî zî pêro hesbaê hukmatê faşîstî çin kerdî. Ma pêro şehîdanê xo yê qehremanan bi rêz û minetî yad kenê. Ma do bingeyê pîlkerdişê têkoşînî de wayîrê vîrameyîşê înan vejîyê û serkewtişî bîyarê ca.

Xoverdayîşê şarê ma, kedkaran û cinîyan ê bi şîarê 'Jin, Jiyan, Azadî' nêverda ke hukmato faşîst bireso armancê xo. Bi taybetî Hemleya 'Rayber Apoyî rê Azadîye, Meseleya Kurdan rê Çareserîya Sîyasîye' sînorê Kurdîstanî derbaz kerdî û bîye globale. Seba ke tarîtîye vila biba na hemle rolêko pîl kay kerd û asoyê azadîye yo pîl aferna.

Rayber Apoyî 28ê kanûne de Îmrali de  bi heyetê DEM Partî pêvînayîş kerd. No pêvînayîş netîceya tewirê Rayber Apoyî de, xoverdayîşê têgêrayîşê azadîye, şarê ma û dostanê ma de qewimîya. Nê pêvînayîşî de Rayber Apoyî vera  tarîtîye ancî bi mesuldarîyêka tarîxîye fikrê xo yê pozîtîfî, çareserîye pêşkêş kerdî. Ey çareserîya meseleya kurdan reyde demokratîkbîyayîşê Tirkîya û çareserîya meseleyanê Rojhelatê Mîyanênî de zî bawerî û îradeyê xo mojnayî. Rayberê ma fikrê xo seba çareserîya meseleya kurdan de 7 madeyî rêz kerdî. No keno ke ma sey têgêrayîş û şarî hîna bi hêvî nêzdîyê serra newîye bibê û erkanê xo bîyarê ca.

Sey têgêrayîşê şarî û azadîye ma dîyar kenê ke fikrê Rayber Apoyî yê ke bîyê manîfestoyê 2024î do serra newîye de bibê pusulaya ma ya têkoşînî. Ma venga şarê xo, pêro dostanê xo, pêro beşanê sîyasî û rêxistinanê girseyî yê demokratîkan danê ke nê bingeyî ser o têkoşîn bikerê. Bi bawerîya ke serra newîye de do Rayber Apo azad bibo, meseleya kurdan çareser biba, Tirkîya û herême demokratîk bibê û haştî û aramîye pêro herême û dinya de serwer bibê. Ma hêverî yê Rayber Apoyî serrneweyê pêro embazan, cinîyan, kedkaran û azadîgîran fîraz kenê.''