Komîteya Tekîlîyanê Teberî yê KCKyî derheqê hêrişê dewleta tirke yê vera Başûrê Kurdîstanî de eşkerayîye daye û nê vatî:

''Dewleta tirke semedê hêrişan û neweyan û cedkerdişê îşxalî yê neweyî hêzê xo yê leşkerî Başûrê Kurdîstanî de ca kena. 22ê hezîrane de kamyon û wesayîtanê zirxinan ra konvoyêk Amêdîye ra ravîyart Kanî Mazî. 23ê hezîrane de konvoyê leşkerî yê artêşa tirke Duhokî ra ravîyart Amêdîye. 24ê hezîrane de zî konvoyêko gird ê çekanê giranan wesayîtanê zirxinan ravîyart Amêdîye. Mabênê herêman û waran de têgêrayîş û sewqîyato leşkerî dewam keno.

 Na herra ke berpirsîyarîya Iraq û Başarê Kurdîstanî de ya îşxalê tirkan bi zanayîş û qebûlkerdişê  îdareyê PDKyî û hukmatê Baxdadî bena.  Îdareyê Bagdadî  bi pêkerdişê Mutabakatê asayîşê sînorî ya bi Tirkîya berê verê îşxalê dewleta tirke akerd. Artêşa tirk heta 30-40 kîlometre xorîyîya herra Iraqî ameya, na herrede bi seyan baregehê leşkerî û qereqolî nayî ro, warê hewa û erdî goreyê keyfe xo şuxulnena. Rewşa winayêne de merdim senî eşkeno qalê asayîşê sînorî û bandure bikero.

PDK na babete de daha aktîf o û seba ke îşxalkê tirkî bêro temamkerdene heme îmkanê xo fînayî xizmetê artêşa tirke. PDK baregehê leşkerî û qereqolê artêşa tirke yê ke Başûrê Kurdîstanî de yê pawitişê ci girewto xo ser û sewqîyatê ke semedê operasyonê îşxalî yenê kerdene înan zî paweno. Bi fîîlî semedê caakerdişê leşkeranê tirkan û heme karanê înan ê bînan wezîfe geno. Coka şehadetê gerîlayan de hendê dewleta tirke berpirsîyarîya PDKyî est a. Ganî şarê kurdî tekîlîya leymin a PDKyî ya bi Tirkîya bivîno. Ê têna derdê keyeyê xo de yê vanê ma bineyna bibê zengîn, herra welatî xeymê înan de nîya. Dewleta tirke cayê ke îşxal kerdî înan sey warê qedexî îlan kena bikero bêînsan, warê ke tede bargehê leşkerî nayî ro nê cayan de nasnameyê kontrol kena. Dewijî bi îznê leşkeran şinê behxe û hêgayanê xo. Dewlete bi nê caardişan wazena herême bikero veng.

Vera îşxalê dewleta tirke yê vera Başûrê Kurdîstanî îdareyê Bagdad û Hewlêrî qet nêrazîbîyayîş nêmojnenê. No vera ameyoxê komelê Îraqî tehlukeyo gird o. Reyna bêvengîya partîyanê sîyasîyan, rojnameger, eşîran, grûbanê bawerîye, nuştox, roşnvîr, akademîsyen û komelî zî noraml nîya.Bitaybetî wendekarê welatperwerê Kurdsîtanî ganî vera nê hêrişan bêveng memanê û nêrazîbîyayîş bimojnê ra. Sere kurdî wa pêro şarê Iraqî vera herişê îşxalî yê vera dewleta tirke yê vera Başûrê Kurdîstanî vengê xo berz bikerî û têkoşîn bikerî.''