Hemserekîya Konseya Rayberdişî ya KCKyî derheqê vîjnayîşê parlementoyî yê Başûrê Kurdîstanî de yo ke do 20ê teşrîna verêne de do bêro kerdene eşkerayîye daye û nê vatî:

''Wexto ke Rojhelatê Mîyanênî de averşîyayîşê muhîmî yenê qewimîyayene de vîjnayîşê parlementoyî yê Başûrê Kurdîstanî yenê kerdene. No hem semedê Başûrê Kurdîstanî hem zî semedê pêroyê Kurdîstanî muhîm o.  Dişmenê kurdan ê qirker û îşxalkerî wazenê nê prosesî de qirkerdişê xo temam bikerî û kurdan biqêdînê.  Vera nê planê tehlukeyînî ganî şarê ma xeta welatperwerîye de yewîya neteweyî aver bêro û na çarçewa de têkoşînî xurtêr bikero. Ganî şarê ma û heme hêzê welatperwerî bîbê yew têkoşînî xurtêr bikerê.  Vîjnayîşê Başûrê Kurdîstanî zî ganî na çarçewa de bêrê destgirewtene. Heta ewro vera îşxalkeran û hemkaranê înan ê xayînan şarê Kurdîstanî û hêzanê welatperwer, demokratîk û şorişgeran têkoşîno xurt da û destûr nê da îşxlakerî ser bikewê.

PDK û Barzanîyî Kurdîstan de  serkêşîya xeta îxanetî û hemkarîye kenê. PDK û Barzanîyî têna Başûrê Kurdîstanî de nê çar leteyanê Kurdîstanî de xeta îxanetî aver berde û bîyî leteyê qirkerdişê kurdan. Hêrişê vera Rojawanî de paştî danê dewleta tirke, Mexmûr û Şingal de zî şarê ma bi paştdayîşê înan raştê hêrişanê dewleta tirke yeno. Vakurê Kurdîstanî de zî heme kontra û hemkarê tarîyî babetesyê PDK û Barzanîyan ê. Nê pêro mojnenê ke eleqeya PDK û Barzanîyan bi kurdîtîye çîn a, ê leteyê sîyasetê vera kurdan ê. PDK û Barzanîyî semedê menfeatê xo Kurdîstan û kurdîtîye roşenê hêzanê teberî û dişmenî. Heme dişmenî û hêzê xirabî bi paştdayîşê PDK û Barzanîyan vera Kurdîstanî planan kenê. Vera xayînan ganî her ca de tewir bêro girewtene. Vîjnayîşê Başûrî de ganî şarê ma vera xeta îxanetî tewir bigîro paştî bido namzedan û hêzanê welatperwer, demokratîkan. Eke vera xeta îxanetî tewir bêro girewene Başûrê Kurdîstanî û pêro Kurdîstan îşxal û qirkerdişî ra xelisîyenê. Şarê ma ganî îradeyê xo bi hewayêkê hêzdarî ramojno. Ganî vera xeta îxanetî xeta welatperwerîye, îlkeyê demokratîkî bêrê esas girwtene.''