Hemserekîya Konseya Rayberdişî ya KCKyî bi wesîleya Newroza 2024î  mesajêk weşana û nê vatî:

''Newroze vera zilm, koletîye û kolonyalîzmî  serewedaritişê şarî yo. Bi seserran o no tradîsyono bimana yo  ke vera zaliman têkoşînê mazlûman îfade keno, bi girdbîyayîşî resa roja ma. Kawayê Asinkarî ra heta Kawayê Hemdemî Mazlûm Doganî  her keso ke Newroze ciwîyeno û dano ciwîyayenê ma înan rê şukrananê xo teqdîm kenê. No tradîsyono bimana û afirnayoxê ci erjê hemparî yê merdimîye yê.

Newroze vera zilmê Dehaqan nameyê serkewtişî û azadîye yo. Ma bi bawerîya bi têkoşînî merdim eşkeno bireso azadîye Newroze pîroz kenê û kam ke vejîyeno meydanan de Newroze pîroz keno, ma înan bi germayîya adirê Newroze selam kenê.

Şarê kurdî ke afirnayoxê Newroze yo tarîxî ra nata vera zilm û kolonyalîzmî tradîsyonê têkoşîn û Newroze domnayo, bi hezaran serran o ke bi hesretê azadîye Newroze bicoşî pîroz keno. Şarê kurdî sey şarê Newroze ciwîyeno. Rayber Apo nê semedî ra şarê kurdî sey 'Şarê Newroze' pênas keno. Şarê ma ewro zî Newroze bicoşê pîlî pîroz keno. Emser zî verê 21ê Adare dest pê pîrozkerdişê Newroze kerd. Şarê kurdî semedê azadîye Newroze ra zaf hes keno.  Ma Newroza şarê Kurdîstanî û dostan zerrî ra pîroz kenê.

Ewlado qehreman ê kurdan şorişgêro pîl Mazlûm Doganî 1982 de Zîndanê Amedî de bi tafînayîşê adirê Newroze tarîtîye dirna û tradîsyonê Newroze newera ganî kerd. Ma ey bi rêzdarî, heskerdiş û hesretî yad kenê. Ma şexsê şehîdanê Newroze de şehîdanê xo reyna bi rêzdarî mînetî yad kenê. Çîqa ke Kawayê Hemdemî Mazlûm Doganî tarîtîya zîndanî da vet, bi Zekîye, Rahşane, Ronahî û Bêrîvanan bîye kilaya girde, şarê kurdî aye kerd û ewro sey tîje bi Hemleya Azadîye her kesî germin kena.

Bêşik êyê ke Newroze xorî ciwîyenê û temsîl kenê xoverdayoxê zîndanan  û gerîla yê. Tepişteyê sîyasîyî rixmê heme zehmetîyan xeta têkoşînî ya Mazlûm Doganî de têkoşîn kerd û teslîmîyet û xayînîye bin fîna.  Ma Newroze xoverdayoxanê zîndanan pîroz kenê û têkoşînê înan selam kenê ke bi têkoşînê xo hêzê danê şar û têkoşînê ma. Gerîlayê Azadîye yê Kurdîstanî zî têkoşînê Kawayê Herdemî Koyanê Kurdîstanî de resnayo tîtikî, dişmeno zalim bin fînayo  û newera şarê kurdî afirnayo. Bi na wesîle reyna gerîlayêke bi ruhê fedayî yê Apoyî têkoşîn kenê, ma înan selam kenê û Newrozê înan yew bi yew pîroz kenê.

Tarîxê Kurdîstanî de Newroze vera zilmê Dehaqan serkêşîya Kawayan de têkoşîn û xoverdayîşê şarê kurdî sembolîze keno. Têkoşîno ke Kawayê Asinkarî bi tafînayîşê adirî da destpêkerdene zilmê Dehaqê zalimî rijnayo, şar azad kerdo û sey demê neweyî Newroze afirnayo. No tradîsyono bimana ewro serkêşîya PKKyî de nêm seserre ya ke bi têkoşînê şarê kurdî dewam keno, tarîtîye roşn keno, zaliman bin fîneno û şaran azad keno. Têkoşînê Azadîye yê Kurdîstanî gama xo ya verên  Newroza 1973yî de bi kombîyayîşê awbendê Çubukî eşte. Kawayo Herdem Mazlûm Doganî 1982yî de bi adirê têkoşînî  Newroze reyna resna manaya ci ya tarîxîyî, tradîsyonê tekoşînî ganî kerd. Gerîlayan zî no tradîsyonê têkoşînî kirişt, ko, deşt, dewe û bajaranê Kurdîstanî. Şarê Kurdîstanî her Newroze de bineyna bi aye û newera xo afirna. Newroze newera resaye manaya xo ya tarîxî û  armancê xo, dewrêkê neweyî dest pêkerd.

Bêşik verê nê pêrune Rayber Apoyî akerd. Bi destpêkerdişê têkoşînê azadîye şarê kurdî newera resa Newroze û Kurdîstan de prosesê tarîxî yo newe ame destpêkerdene. Coka heme Dehaqê zalimî yê roja ma ameyî têhet û bi komployê mîyanneteweyîyî Rayber Apo Imrali de girewt binê sîstemê tecrîd û îşkenceyî. Rayber Apo 26 serrî vera nê sîstemî xover dano. Xoverdayîşê Rayber Apyî yê vera Deheqan Newroza tewr pîl a. Tewr zaf Rayber Apo Newroze ciwîyeno û dano ciwîyayene. Ma Newroza Rayber Apoyî pîroz kenê, selam, hurmet û heskerdişê xo şawenê.

10ê teşrîna verêne ya 2023yî de serkêşîya dostan de hemleya 'Rayber Apoyî rê azadîye meseleya kurdan rê çareserîye' dîyaye destpêkerdene û na çarçewe de xebatê muhîmî ameyî kerdene.  2024 de ganî na hemle bireso armancê xo. Coka ganî têkoşîn bêro xurtkerdene. Ganî şayîyê Newroze bibê tîtikê nê. Şarê ma wa her ca de vejîyo waran û azadîya Rayber Apoyî ya fîzîkîye biwazo. Sey têgêrayîş û şarê kurdî  hinî tehemulê ma nêmendo. Tecrîdê serê Rayber Apoyî nîno qebulkerdene.

Hêrişê  îşxal û qirkerdişî yê îqtîdarê AKP-MHPyî yê vera kurdan bi zêdîyayîşî dewam kenê. Sere de Rojawan hêrişê ke vera Kurdîstanî yenê kerdene suce şerî yê.  Nika semedê qirkerdişê kurdan plananê neweyan kenê.  Vera Tayyip Erdogano ke Dehaqo zalim ê dewrê ma yo û rejîmê ci ganî bi ruhê Newroze têkoşîn bêro xurtkerdene û na serre bibo serra serkewtişî. Xoverdayîşê Şaran do vera zilmê Dehaqan ê Zaliman ser bikewo. Xoverdayîşê şaran û azadîye do ser bikewê.''