Komîteya Şaran û Bawerîyan a KCKyî bi wesîleya qedîyayîşê rojeyê Muharremî eşkerayîyêke daye.

Eşkerayîyey wina ya:

''Ma hêvîdar ê ke îbadetê canan ê elewîyan do bêrê qebulkerdene. Êyê ke xoverdayîşê Kerbelayî yê Îmam Huseyînî bi îbadetî yad kenê, wayîrê erjanê merdimîye vejîyenê. Nê wextî de ma hewceyê xoverdayîş û wayîrvejîyayîşê winasênî yê. 

Xoverdayîşê Îmam Huseyînî û embazanê ci yê Kerbelayî temsîlê tewirê heq û raştîye yo. No tewir erdê Rojhelatê Mîyanênî de bi sembolê ruh, bawerî û hîşmendîya azadîye. Têkoşînê vera yezîtanê nê wextî sey awe û nan hewce û fîraz o. Ma pê bawer ê ke canê elewîyê ke bi na hîşmendîye roje gênê, aşûra vila kenê hem xizmetê manewîyî kenê jem zî tradîsyonê xoverdayîşî yê vera zaliman danê dewamkerdene.

Rojeyê Muharremî emser zêdê binê teda û zulmî de derbaz bi. Rixmê jan û meseleyanê sîyasî û ekonomîkan zî elewîyan cemxaneyan de, dergah û komeleyanê xo de muhabetê xo kerd. Cananê elewîyan waştişê yewîya elewîtîye kerde, seba têkoşînê demokratîkî veng da. Êyê ke tradîsyonê xoverdayîşê Kerbelayî ra bawer ê, cayê înan têkoşînê demokrasîyî yo. Ma venga elewîyan danê ke vera rojdemanê viraşteyan û xîretanê seba astengkerdişê têkoşînê demokrasîyî hîşyar bibê.Bi wesîleya na roje ma reyna vanê ke elewîyî bingeyê têkoşînê Kurdîstanê azadî û Tirkîyaya demokratîke yê. 

Tirkîyaya AKP-MHPyî bîye merkezê yezîtîye. Ganî vera dewlet û rejîmêkê winasênî tewirê Huseyînî bêro mojnayene. Nê Yezîtî çend serrî yo ke vejîyenê teberê Tirkîya zî. Eşkera bîyo ke şaran û bawerîyan ser o tehlukeyêko pîl esto. Îşxalê Lîbya, Rojawan, Başûrê Kurdîstanî, Vakurê Kurdîstanî û Dengizê Sipî îsbatê ney ê. Hêriş, teda û îşkenceyê vera Vakurê Kurdîstanî xora verê çiman de yê. Vera na yezîtîye wezîfeyê her kesî yo ke sey Îmam Huseyînî têkoşîn bikero. Bi wesîleya Muharremî ma venga elewîyan û her kesî danê ke têkoşînê demokrasîyî pîl bikerê. Sere de misilmananê şîayî ma venga ê kesanê ke pê têkoşînê Îmam Huseyînî bawer ê, vera rejîmê faşîstî yê Rojhelatê Mîyanênî vera rejîmê sentezê tirk-îslamî cepheyê hemparî yê têkoşînî geş bikerê.

Bi wesîleya Rojeyê Muharremî û Aşûra ma hêvîdar ê ke roje û xizmetê her kesî do bêrê qebulkerdene. Ma venga zerrîwazanê Huseyînan danê ke seba Hz. Huseyîn û şehîdan vera zulmî têkoşîn bikerê û bi nê têkoşînê xo wayîrê înan vejîyê. Ma sey têgêrayîş wayîrê vîrameyîşê Hz. Huseyîn û şehîdan vejîyenê. Ma venga her kesî danê ke tewrê têkoşînê azadîye bibê.''