Komîteya Şar û Bawerîyan a KCKyî bi mesajêkî Roşanê Qurbanan fîraz kerd. Mesaj wina yo:

''Roşan mîyanê komelanê misilmanan de sey roja haştî, paştdayîş û parekerdişî yeno pêşwazîkerdene. Roşan vera kolonyalîzm, destsernayîşê îradeyî û vera ê kesanê ke heq û huqûqî nêşinasnayê têkoşînî temsîl keno. Ma hêvîdar ê ke Roşanê Qurbanan nê hîsan mîyanê şarê ma de pîlêr bikero.

Nê roşanî de zî şarê misilmanî û şarê kurdî binê hêrişanê pîlan de yê. Pîlkerdişê paştdayîşî vera dewleta tirke do bido qezençkerdene. Vera dewleta tirke ya ke îradeyê kurdan nêşinasnena bi her hawayî çalakîyî meşrû yê. Îslam misilmanan rê ferz keno ke vera destsernayîşê îradeyî, bêhuqûqîyan, tecrîd û îşkenceyan têkoşînî pîlêr bikero. Xora roja ma de îbadeto esas têkoşînê vera tecrîd, îşkence, talan û destsernayîşî yo.

Heqo tewr xozayî o yo ke şarî bi nasname, kultur, ziwanê xo û erdê xo de biciwîyê. La dewleta tirke nê heqanê kurdan xesp kena. Destsernayîşê heqan înkarê Îslamî yo.

Kurdê ke Rayberê înan şert û mercanê giranan ê tecrîd û îşkemceyî de yo, îradeyê înan yeno xespkerdene, heqê înan yenê înkarkerdene, raştê qirkerdişî yenê ganî bi têkoşînê xo wayîrê îradeyê xo vejîyê. Ganî kurdê misilmanî nê roşanî bikerê wesîleya pîlkerdişê têkoşînî. Na mana de misilmanê ke xeta Mihemedî de şinê ganî bizanê ke heta ke verê kolonyalîzmê dewleta tirke nêgêrê îbadetê înan do nêresê manaya raştikêne. Bi na wesîle ma venga pêro misilmanan danê ke refanê têkoşînê hemparî de cabigêrê.

Misilmanê Kurdîstanî yê ercîyayeyî; ma wazenê bivisnê vîrî ke sey her roşanî ancî girîngîye bidê zîyaretê goranê şehîdan, keyeyanê şehîdan, keyeyanê tepişteyan, nêweşan, kokiman û hewcedaran. Şarê ma wa qurbananê xo bi rayîrê dezgehanê welatperweran vila bikero.

Ma bi nê hîs û fikran roşanê pêro misilmananê Kurdîstanî û alemê Îslamî fîraz kenê. Ma venga her kesî danê ke vera dewleta tirke cepheyêkê hemparî de têkoşînêkê rêxistinkerdeyî û xurtêrî bikero.''