KCKyî semedê wefatê Serekê Komîteya Merkezî ya Partîya Komunîste (CPP) ya Filîpînan Jose Maria Sisonî mesajêkê serweşîye weşana.

Sisono ke başûrrojhelatê Asya ra sîyasetmêdarêkê dostê kurdan bi, 19ê kanûne de Hollanda de nêweşîya xo ra dinyaya xo bedilnabî.

Mesajê serweşîye yê KCKyî wina yo:

''Dostê ma Serekê CPPyî Jose Maria Sison şi rehme ke ma pê ney zaf xemgîn bîyî. Jose Maria Sisonî heta peynîya emrê xo mîyanê têkoşînê sosyalîzmî û şorişê şarê filîpînan de cagirewt. Embaz Sisonî bi têkoşînê xo verê dîktatorîya Ferdinand Marcosî girewt. O têkoşînê xo ra bi serran zîndan de tepişîya la zîndan de zî têkoşînê xo rê dewam kerd. 

Serek Jose Maria Sison heman wextî de dostêkê kurdan bi. Ey tim paştî daye têkoşînê azadîye yê şarê Kurdîstanî, tewrê kampanyaya azadîya Rayberê ma bi û seba na kampanya xîret kerd. Wefatê ey zaf tesîrê ma kerd. Şarê kurdî xemgîn o ke dostêkê ci yê winasênî wefat kerdo. Serek Sison mabênê şaranê filîpînan û kurdan de pirdêkê dostanîye bi. Ma qerardar ê ke wayîrê mîrasê Serek Sisonî vejîyê û bibê layîqê ci.

Bi na wesîle ma keyeyê ey ê ercîyayeyî, embazan û dostanê ci, CPP, şarê filîpînan û pêro şorişgêran rê serweşîye wazenê. Ma sereyê xo verê vîrameyîşê embaz Sisonî de bi rêzdarî anê war.''