Hemserekîya Konseya Rayberdişî ya KCKyî bi eşkerayîyêka nuştekîye Qazî Mihemed, Haci Baba Şeyh û Seyfî Kadi  yê ke 31ê adara 1947 Rojhelatê Kurdîstanî de ameyî îdamkerdene û Mahîr Çayan û hemrayê ci yê ke 30ê adara 1972yî de Kizildere de ameyî qetilkerdene yad kerdî û nê vatî:

''Rayberanê kurdan ê neteweyîyan ra welatperwero kurd o gird û ronayoxê Komara Mahabadî  Qazî Mihemed û embazê ci Haci Baba Şeyh û Seyfî Kadi 31ê adara 1972yî de Meydanê Çarçira de hetê rejîmê Şahî yê faşsîtî ra ameyî qetilkerdene.  Ma serrgêra şehadetê înan de înan bi rêzdarî û mîtenî yad kenê. Ma şexsê înan de heme şehîdanê şoriş û demokrasîyî yad kenê û sozê xo yê serkewtişî newe kenê.

Qazî Mihemed û embazanê ci semedê azadîye û xoserîya Kurdîstanî xebiteyayî , têkoşîn kerd. Komara Mahabadî naye ro semedê azadîya şarê kurdî gamêka tarîxîye eşte. Sere de Îngîlîstan û Sovyetan dewletanê menfeatkaran paştî daye rejîmê Şahî û hêrişê Komara Mahabadî kerd. Qazî Mihemed û embazê ci Meydanê Çarçira de îdam kerdî. Îxanetê vera Qazî Mihemed û embazanê ci nêzdîbîyayîşê dewletanê kapîtalîstan ê vera kurdan ramojneno. No nêzdîbîyayîş ewro roja ma de zî dewam keno.

Komara Mahabadî birijîyo zî semedê kurdan zaf muhîm a. Qazî Mihemed û embazanê ci sey Şeyh Saît û Seyîd Rizayî tewirê xo yê azadîye ra peyser game nêeşte û teslîmîyet red kerd. Nê tewirê înan fehmê kurdan de cayo muhîm girewt û xeta xoverdayîşî ya Kurdîstanî de hetkarîya pîle kerde. Qazî Mihemed û embazê ci sey ewladanê qehreman, fedakar û erjîyayeyan ê şarê kurdî tarîx de cayê xo girewt. Şarê kurdî do çirey têkoşîn, xoverdayîş û fedakarîya înan xo vîra mekero. Têkoşînê kurdan û destkewteyanê ci de barê nê rayberan û têkoşînê înan zaf gird o.

Dewleta qirkera bine dewleta tirke zî 30ê adara 1972yî de Kizildere de Mahîr Çayan û embazê ci qetil kerdî û morê xo da binê qirkerdişê bînî ro. Ma nê qirkerdişî zî bişîdetî red kenê. Ma şorişgêranê girdan Mahîr Çayan û embazanê ci înanê ke bi waştişê wayûbiratîya şaran têkoşîn kerd, bi mînet û rêzdarî yad kenê.''