Şubeyê Anqara yê Komeleyanê Elewîyan ê Demokratîkan (KED) derheqê Qirkerdişê Çorumî de eşkerayîyêke daye û serrgêra 40. de qurbanî yad kerdî. Eşkerayîye de ame vîrvistene ke 27ê gulana 1980î de pê sloganê ''Pê gonîya qesasî-gonîya ma birija zî serkewtiş do ê Îslamî bibo'' Çorum de binê çimdarîya dewlete de hêrişan dest pêkerd.

Eşkerayîye de wina ame vatene: ''Çorum de tim têmîyanîye estbî, şarê Çorumî û hêzanê çepgîran heta 1ê temmuze tay cayan de cera hêrişan têkoşîn kerd û pê xoverdayîşî cewab da. Heta 2ê temmuze wextê îlankerdişê qedexeyê teberî xo ver da. 2ê temmuze de şarî rixmê qedexeyan eşt keyeyanê elewîyan ser û çepgîrî qetil kerdî.''

Eşkerayîye de ame parekerdene ke netîceya serebûtan de 57 kesî merdî û 300 kesî zî birîndar bîyî. Eşkerayîye de wina ame vatene: ''Oyo ke serra 1980î de Çorum de qewimîyayo, bêguman qirkerdişêk bi ke binê çimdarîya dewlete de ame kerdene.''

Eşkerayîye de qurbanê Qirkerdişê Çorumî bi rêzdarî ameyî yadkerdene.