23ê nîsane de Îstanbul, Riha û Anqara de 9 rojnamegerî ameybî destbendkerdene. Avûkatanê Komeleya Xebatanê Huqûq û Medya (MLSA) ra Emîne Ozhasar vizêr nezaretxaneyanê Mudirîya Asayîşî ya Vatanî ya Îstanbulî de rojnamegerî zîyaret kerdî.

Emîne Ozhasar ANFyî rê qisey kerd û da zanayene ke rojnamegerê camêrdî cerganê DAÎŞî reyde heman nezaretxane de tepişîyenê coka nêeşkenê rabikewê. Esra pare kerd ke polîsan binê nameyê mulakatî de kerd ke bi orî rojnamegeran ra îfade bigêrê û înan rê persê sey ''Şima çira nê ajansan de xebitîyenê? Şima bi fermanî xeberan kenê'' ameyê perskerdene.

Esra îfade kerd ke rojnamegerî çarçewa tehqîqatêkê 2022yî de ameyê destbendkerdene û vat: ''Çapemenîya kurdan tim binê teda û hêrişanê dewleta tirke de manena. Bi operasyonanê winayênan kar û xebatê çapemenîya kurdan yenê krîmînalîzekerdene. Verê cû ma dosyayanê vera Abdurrahman Gok, Dîcle Muftuoglu ûsn de zî no çi dî. No nêno qebulkerdene. Sey avûkatanê rojnamegeran ma do bira nimitişê dosya û dergkerdişê wextê nezaretxaneyî rê îtîraz bikerê.''